Plantun de Prouvènço

Pèr coumpara dos planto d'encò nostre

Thlaspi arvense & Hieracium morisianum

fotò
fotò
Erbo-dis-escut

Thlaspi arvense

Brassicaceae Cruciferae

Àutri noum : Erbo-di-cènt-malautié, Escapo-dai, Erbo-dóu-Trounc.

Noms en français : Tabouret des champs, Monnoyère.

Descripcioun :
L'erbo-dis-escut èi devengudo raro dins proun de relarg. Aquesto planto èi coumuno soulamen dins li prat e ermas de mountagno. Es eisado à recouneisse emé si gros fru ala qu'an douna lou noum poupulàri. Li fueio an d'auriheto pounchudo (fotò).

Usanço :
Li fueio e li flour soun manjadisso en ensalado, soupo o en tian. Li grano an lou goust de l'aiet e se podon manja peréu. Èi vertuouso contro li fèbre, l'inflamacion, e ajudo à lucha contro l'infecioun (erbo-di-cènt-malautié).

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Thlaspi
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 4 à 9 mm
Flourido : Printèms - Estiéu

Sòu : Ca
Autour basso e auto : 0 à 2300 m
Aparado : Noun
Abriéu à juliet

Liò : Champ - Ermas
Estànci : Mesoumediterran à Mountagnard
Couroulougi : Óurigino Asìo-Sud-Ouèst
Ref. sc. : Thlaspi arvense L., 1753

fotò
fotò
Esparello(-de-Moris)

Hieracium morisianum

Asteraceae Compositae

Nom en français : Épervière de Moris.

Descripcioun :
Aquesto esparello, pulèu coumuno mai pas toujour bèn couneigudo, fai partido dóu group VILLOSA, presento au nostre soulamen en mountagno. Trachis dins li tepiero roucaiouso e li roucas. Es un Hieracium emé forço fueio de cambo e pu de fueio de baso à la flourido (ipoufiloupodo) emé proun de péu sus l'enflourejado e peréu sus lou dessouto di fueio. Fai partido de l'espèci couleitivo valdepilosum, pamens se destrìo dóu tipe qu'a li bratèio dóu dedins tant primo que li dóu deforo. Se penso qu'aquèsti Hieracium vènon de H. villosum introugressa pèr H. prenanthoides emé si fueio un pau en viouloun (Flora Gallica, op. cit. p. 444).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 13 à 15 mm
Flourido : Printèms - Estiéu

Sòu : Ca
Autour basso e auto : 1400 à 2300 m
Aparado : Noun
Remarco : Endemico dis Aup
Jun à avoust

Liò : Tepiero roucaiouso - Roucas
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Hieracium morisianum Rchb.f., 1859 (= Hieracium elongatum Willd. ex Froël., 1838 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
RR
CC
CC

Thlaspi arvense & Hieracium morisianum

ges
ges
R
RR
ges
RR
RR
C

Coumpara Erbo-dis-escut emé uno autro planto

fotò

Coumpara Esparello(-de-Moris) emé uno autro planto

fotò